Advertising Feature

Fe wnes i ddarganfod cyfleoedd nad oeddwn wedi eu hystyried o’r blaen.

“Fe wnes i ddarganfod cyfleoedd nad oeddwn wedi eu hystyried o’r blaen.” <i>(Image: Cymru’n Gweithio)</i>
“Fe wnes i ddarganfod cyfleoedd nad oeddwn wedi eu hystyried o’r blaen.” (Image: Cymru’n Gweithio)
This article is brought to you by our exclusive subscriber partnership with our sister title USA Today, and has been written by our American colleagues. It does not necessarily reflect the view of The Herald.

Mae Wythnos Genedlaethol Gyrfaoedd (3 i 8 Mawrth) yn dychwelyd yr wythnos hon, gan arddangos yr effaith sy’n newid bywydau y mae cyfarwyddyd gyrfaoedd ac adnoddau addysgol rhad ac am ddim yn ei gael ledled y DU.

Mae Katherine Hooper yn rhannu ei stori am sut y gwnaeth cyfarwyddyd gyrfaoedd gan Cymru’n Gweithio ei helpu i ddechrau o’r newydd mewn gyrfa ym maes technoleg ar ôl colli swydd yn annisgwyl.

Roedd Katherine, sy’n 35 oed ac yn byw yn Abertawe, wedi treulio bron i naw mlynedd yn gweithio fel ymchwilydd ar brosiectau ynni adnewyddadwy mewn prifysgol cyn colli ei swydd yn 2023.

Yn ansicr am ei chamau nesaf, dechreuodd ymchwilio i opsiynau gyrfa ar-lein a daeth o hyd i Cymru’n Gweithio. Trefnodd gyfarfod â chynghorydd gyrfa, Lindsey Roberts.

Dywedodd Katherine: “Roeddwn i’n eitha nerfus, ond roedd Lindsey yn gefnogol iawn. Gwnaeth hi fy helpu i gymryd cam yn ôl i werthuso fy opsiynau.”

Daeth i’r amlwg drwy cwis gyrfa a thrafodaethau manwl â Lindsey y gallai maes technoleg fod yn addas iawn ar gyfer sgiliau Katherine.

Wedi'i chalonogi gan hyn, dechreuodd Katherine ddysgu sut i godio ar ei phen ei hun. Awgrymodd Lindsey hefyd y dylai fynd i ddigwyddiad ‘Merched mewn Technoleg’ yn y DVLA i gael cipolwg ar y diwydiant.

Cofiodd Katherine: “Roeddwn i’n nerfus i ddechrau, ond roedd y digwyddiad yn agoriad llygaid. Dysgais i am ddatblygu meddalwedd a darganfyddais i gyfleoedd doeddwn i ddim wedi’u hystyried o’r blaen.”

Yn y digwyddiad, dysgodd Katherine am sesiwn hyfforddi codio dwys o’r enw Code First Girls. Cofrestrodd ar y cwrs, gan ennill y sgiliau technegol oedd eu hangen i bontio i yrfa newydd. Erbyn diwedd 2023, roedd hi’n barod i wneud cais am rolau datblygu meddalwedd.

Er gwaethaf wynebu cael ei gwrthod am swyddi, roedd Katherine yn parhau i fod yn benderfynol. Cyflwynodd Lindsey hi i Aaron Jenkins, hyfforddwr cyflogadwyedd yn Cymru’n Gweithio, a’i helpodd i baratoi ar gyfer cyfweliadau yn y DVLA.

Dywedodd Katherine: “Roedd yr adborth a gefais ar ôl fy nghyfweliad cyntaf yn amhrisiadwy. Ches i ddim y swydd gyntaf, ond fe helpodd fi i baratoi ar gyfer yr ail gyfweliad – a llwyddais i gael honno.”

Yn 2024, dechreuodd Katherine ei rôl newydd fel peiriannydd datblygu cod ar gyfer profi meddalwedd yn y DVLA.

“Mae'n anhygoel gwneud rhywbeth rydw i wir yn ei fwynhau. Weithiau mae’n rhaid i mi fy atgoffa fy hun i beidio â gorweithio oherwydd rydw i’n frwd iawn dros fy swydd.”

Wrth fyfyrio ar ei thaith, anogodd Katherine eraill sy’n wynebu colli eu swyddi i geisio cymorth: “Peidiwch â rhoi’r gorau iddi. Daliwch ati, hyd yn oed pan fydd hi’n teimlo fel petaech chi ddim yn gwneud unrhyw gynnydd. Defnyddiwch yr holl adnoddau sydd ar gael i chi a chredwch yn eich gallu i addasu a thyfu.”

Mae Cymru’n Gweithio yn cael ei darparu gan Gyrfa Cymru a’i hariannu gan Lywodraeth Cymru i ddarparu cyfarwyddyd gyrfaoedd a chymorth cyflogadwyedd i bobl 16 oed a hŷn.

I gael rhagor o wybodaeth ynglŷn â Cymru’n Gweithio, a sut i gael cymorth gyrfa, ewch i wefan Cymru’n Gweithio, ffoniwch am ddim ar 0800 028 4844, siaradwch â chynghorydd drwy we-sgwrs, neu anfonwch neges e-bost i cymrungweithio@gyrfacymru.llyw.cymru.

Get involved
with the news

Send your news & photos